Мәдениет және ақпарат министрлігі Мұрат Әуезовтің өмірден өтуіне байланысты көңіл айтты

10:17, 15 маусым 2024

© Сурет: postfactum.kz

Мәдениет және ақпарат министрлігі көрнекті қоғам қайраткері Мұрат Әуезовтің өмірден өтуіне байланысты көңіл айтты, деп хабарлайды Zakon.kz.

"Мұрат Мұхтарұлы еліміздің дамуына зор үлес қосқан көрнекті тұлға еді. Ол Қазақстанның Қытайдағы елшісі, Қазақстан Республикасы Ұлттық кітапханасының бас директоры, Мұхтар Әуезов қорының президенті қызметтерін атқарды". Мәдениет және ақпарат министрлігі

Көркем әдебиет теориясы мен практикасы туралы 200-ден астам еңбек жазып, жемісті жұмыс істеді.

"Ол саналы ғұмырын өз еліне, ұлт руханиятының кемелденуіне арнаған абзал азамат еді. Мұрат Мұхтарұлының өнегелі өмір жолы мен жарқын бейнесі жадымызда әрдайым сақталады. Ал оның еңбектері болашақ ұрпаққа мәңгі қызмет ете берері анық. Марқұмның жатқан жері жарық, топырағы торқа болсын!"Мәдениет және ақпарат министрлігі

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!