Литва Орта Азиялық еңбек мигранттарын көптеп тартуда

Литва Орта Азиялық мигранттар үшін маусымдық жұмысқа рұқсаттар санын үш есеге арттырды, деп хабарлайды Zakon.kz.

Бұл жайлы "жұмыспен қамту" қызметінің мәліметтерінен белгілі болды. Мәселен, 2025 жылдың бірінші тоқсанында ведомство 363 рұқсат берсе, былтыр бұл уақытта рұқсаттар саны небәрі 122 болған.

Негізгі рұқсат берілген елдер:

• Өзбекстан (42%);
• Тәжікстан (34%);
• Қырғызстан (6%).

Олардың 53%-ы жол жұмысшылары, 14%-ы аспазшылар, 7%-ы қасапшылар, 5%-ы құлпынай жинаушылар, тазалаушылар және құрылыс жұмысшылары болып жұмысқа орналасты.

"Литваның еңбек нарығы ақша табу үшін уақытша жұмысқа келген шетелдіктерге көбірек ашылуда", – деп түсіндірді жұмыспен қамту қызметі.

Бұған дейін Тәжікстанда желідегі лүпіл үшін қылмыстық жауапкершілік жойылғандығы хабарланған болатын.