Қызылордада жігіттің өліміне қатысты іс тергеліп жатыр: туыстары шабуылға 12 адам қатысқанын айтады

Қызылордада жергілікті тұрғынның өліміне байланысты үш күдікті ұсталды. Марқұмның әпкесі төбелеске 12 адам қатысқанын айтып, істің жан-жақты тергелуін талап етті, деп хабарлайды Zakon.kz.

Марқұмның әпкесі Анастасияның айтуынша, қайғылы оқиға 2026 жылғы 8 қазанда дәмхана маңында болған.

"Біздің мәліметіміз бойынша, шабуылға 12 адам қатысқан. Інімді топ болып ұрған, соққы жүрек тұсына тиген. Алайда қазір тек үш адам ұсталды. Бізге белгілі болғандай, тергеу барысында оны тек үш адам ұрған деген нұсқа қарастырылып жатыр. Ал шабуылды 12 адам жасағанын айтатын куәгерлер бар. Мен 12 адамның бәрі бірдей кінәлі деп отырған жоқпын. Бірақ әрқайсысының әрекеті мұқият тексеріліп, куәгерлердің сөзі ескерілгенін және осы ауыр қылмысқа қатысы бар ешкім тергеу назарынан тыс қалмағанын талап етемін", – деп жазды ол Instagram парақшасында.

Марқұмның әпкесі Бас прокуратураға, Ішкі істер министрлігіне, прокуратура мен полицияға үндеу жасап, тергеуді ерекше бақылауға алуды, барлық куәгердің айғақтарын тексеруді, шабуылға қатысқандардың әрқайсысының әрекетін анықтап, оқиғаға объективті құқықтық баға беруді сұрады.

Өңірлік полиция департаменті бұл жарияланымға жауап берді.

"8 қазанда Қызылорда тұрғынының өліміне байланысты қылмыстық іс қозғалды. Осы оқиғаға қатысты үш күдікті ұсталып, уақытша ұстау изоляторына қамалды. Тәркіленген барлық бейнежазба зерттелді. Оқиғаға басқа адамдардың ықтимал қатысы бар-жоғы тексеріліп жатыр. Тергеу қорытындысы бойынша іске қатысы бар әр адамның рөлі мен қатысу дәрежесіне құқықтық баға беріледі. Тергеу мүддесіне байланысты өзге ақпарат жарияланбайды. Істің тергелуі полиция департаменті басшылығының ерекше бақылауында", – деп мәлімдеді Қызылорда облысы полиция департаментінің баспасөз қызметі 26 қазанда.

2026 жылғы 26 қазанда Қызылордада жасөспірімнің бұрауышпен өлтірілгені туралы ақпарат тараған болатын. Полиция кәмелетке толмаған баланың өліміне әкеп соққан денсаулыққа қасақана ауыр зиян келтіру фактісі бойынша қылмыстық іс қозғалғанын хабарлады. Сондай-ақ күдіктінің кәмелетке толмағандарды уақытша бейімдеу облыстық орталығына орналастырылғанын мәлімдеді.

Посмотреть эту публикацию в Instagram

Публикация от

Источник: zakon.kz

---

Подписывайтесь на наш Telegram-канал. Будьте в курсе всех событий!
Мы работаем для Вас!

Тағы да оқыңыздар:

• 11:32, 27 қазан 2026

  Үкімет пен әкімдіктер резервтерін пайдалану қағидалары өзгерді

• 10:27, 27 қазан 2026

  Қазақстан мен Қытай «Қорғас» халықаралық орталығында қауіпсіздікті қамтамасыз етпек

• 10:07, 27 қазан 2026

  Отбасының цифрлық картасы қалай толтырылып, жүргізіледі

• 09:16, 27 қазан 2026

  Астана мен Алматыда үсік жүреді: 27-29 қыркүйектегі үш мегаполистің ауа райы болжамы

• 22:24, 26 қазан 2026

  Алматыда Әміре Қашаубаев атындағы республикалық ән байқауы өтіп жатыр