Қызметінен қуылса да Ғабидолла Үкіметке қайта келіп алды
Шымкенттің бұрынғы әкімі Ғабидолла Әбдірахымов жаңа қызметке тағайындалды. Ол ҚР Премьер-министрінің кеңесшісі болып тағайындалды, деп хабарлайды Zakon.kz.
"ҚР Премьер-министрінің өкімімен Ғабидолла Рахматоллаұлы Әбдірахымов Қазақстан Республикасының Премьер-министрінің кеңесшісі болып тағайындалды", - делінген Үкімет басшысының баспасөз қызметі таратқан хабарламада.
Шымкент қаласының әкімі болып тұрғанда Ғабидолла Әбдірахымов "билікке деген сенімді кетірді" деген себеппен алдында отставкаға жіберілген еді. Оған оның желідегі "ерсі" деп табылған қылығы себеп болған. Жергілікті журналист экс-әкімді қала бюджетінен жарнамаға дегенді желеу етіп, орынбасары Данат Жуминнің фирмасы - "АПЕКС-Консалтқа" миллиондар аударған деп айыптады. Бірақ Данат Жумин көп ұзамай Үкімет құрамынан төбе көрсетті. Ол ҚР Премьер-министрі кеңсесі жетекшісінің орынбасары болып тағайындалған. Артынан, іле-шала, міне Ғабидолла Әбдірахымов та Үкіметтің құрамына қосылды.
Ғабидолла Рахматоллаұлы Әбдірахымов 1975 жылы 23 қаңтарда Оңтүстік Қазақстан облысы Кирово ауылында (қазіргі Түркістан облысы) туған. Қазақ мемлекеттік аграрлық университетін экономист-бухгалтер мамандығы бойынша тәмамдаған, "Болашақ" бағдарламасының түлегі. Қазақ, орыс, неміс және ағылшын тілдерін жетік біледі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:19, 26 сәуір 2024
Ақтауда төрт жасар бала терезеден құлап мерт болды
-
21:53, 26 сәуір 2024
«Зорланған қыз жүкті». Полиция департаментінің бастығы Төлебидегі оқиғаға қатысты түсінік берді
-
21:16, 26 сәуір 2024
Ақтөбе облысында 20 тонна азық-түлік дәмдеуіштері бар жүк көлігі өртеніп кетті
-
20:46, 26 сәуір 2024
Путинцева Мадридте әлемнің сегізінші ракеткасынан айласын асырды
-
20:11, 26 сәуір 2024
Синоптиктер елдің 10 өңірінде қолайсыз ауа райына байланысты ескерту жасады