Қылмыскерлерге қандай қасиеттер тән - зерттеу нәтижесі

Румын ғалымдары жалпы саны 578 адам қатысқан ерекше зерттеу жүргізді. Оның 282-сі бақылау тобының өкілі, ал қалған 296-сы қатаң режимдегі екі түрменің тұтқындары болды. Сарапшылар екі топ мүшелерінің ортақ тұстары бар деген қорытындыға келді, деп хабарлайды Zakon.kz.

Scientific Reports мәліметтері бойынша, тұтқындар тобы қосымша екі кіші топқа бөлінді – алғаш рет қылмыс жасағандар (129 адам) және рецидивистер (167 адам).

Бірінші кезеңде екі зерттеушінің түрмедегі тұтқындардың жеке қасиеттерінің репрезентативті бейнесін алу үшін бақылағаны атап өтілді. Осыдан кейін барлық адамдар "Жеке қасиеттің үздік бестігі" деп аталатын психологиялық сынақтан өтті. Бұл адамның экстраверсиямен, ашықтықпен, ізгі ниетпен, адалдықпен және невротизммен қаншалықты ерекшеленетінін анықтайды.

Басылым қылмысты алғаш рет жасаған адамдар көбіне жақсы қасиеттермен ерекшеленгенін жазды. Дегенмен невротизм қылмысты қайталап жасағандардан ғана емес, алғаш рет құқық бұзған адамдардан да байқалды.

Бұған дейін егде жастағы депрессияның қалай алдын алуға болатындығын айтқан болатынбыз.