Құлсарыда екі бала бесінші қабаттың балконында қамалып қалып кеткен

20:54, 1 қараша 2024

© Сурет: Zakon.kz

Құлсары қаласында полицейлер бесінші қабаттың балконында қамалып қалып кеткен балаларды құтқарды. Олардың бірі төрт жаста, екіншісі алты жаста болған, деп хабарлайды Zakon.kz.

Түнде аумақты патрульдеу барысында учаскелік полиция инспекторлары жоғары қабаттан жылаған балалардың дауысын естіген. Анықтау барысында балалардың бесінші қабаттағы балконда жалғыз қалғандары белгілі болды.

"Полицейлер көпқабатты үйдің сыртқы жабынын жөндеуге арналған баспалдақтар арқылы пәтерге өткен. Өзге әріптестері жанама баспалдақтың құлап кетпеуі үшін ұстап тұрған. Полиция капитаны Дархан Әжіғұлов 4 және 6 жастағы бүлдіршіндер қауіпсіз жерге шығарды. Балалардың ата-аналарымен профилактикалық түсіндірме жұмыстары жүргізілді", делінген ҚР ІІМ баспасөз қызметінің хабарламасында.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!