ҚР БҒМ халықаралық олимпиада жеңімпаздары қанша алатынын айтты

14:26, 21 мамыр 2022
197

© Сурет: Zakon.kz

Білім және ғылым министрі Асхат Аймағамбетов Facebook-тегі парақшасында Президент халықаралық пәндік олимпиада жеңімпаздарына біржолғы ақшалай төлемдерді төлеу нормасын қарастыратын заңға қол қойғанын жеткізді, деп хабарлайды Zakon.kz.

Аймағамбетовтың айтуынша, халықаралық пәндік олимпиада жеңімпаздарына біржолғы ақшалай төлемдерді төлеу нормасын қарастыратын заңға жақында ғана қол қойылды.

Алтын медаль алған оқушыға 1 500 АЕК, күміс медальға 1 000 АЕК, қола медальға 500 АЕК көлемінде ақшалай сыйақы беріледі. Оқушыларды жарысқа дайындаған педагогтерге де біржолғы сыйақы беріледі. ҚР Білім және ғылым министрі Асхат Аймағамбетов

Одан бөлек, халықаралық олимпиадалардың жеңімпаздары мен жүлдегерлеріне қазақстандық ЖОО-ға түсу үшін автоматты түрде гранттар беріледі.

Білім және ғылым министрлігі елімізде балаларға жағдай жасау және олимпиадалық қозғалысты дамыту жұмыстарын жалғастыра береді.

Жәрдемақыларды және өзге де әлеуметтік төлемдерді есептеу, сондай - ақ ҚР заңнамасына сәйкес айыппұл санкцияларын, салықтарды және басқа да төлемдерде қолданылатын бір айлық есептік көрсеткіш (АЕК)көлемі 3 063 теңгені құрайтынын еске саламыз.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!