Қостанайда мекеме басшысы мемлекеттің 11 млн теңге қаражатын қолды қылды

Қостанай облысы бойынша Экономикалық тергеу департаменті бюджет қаражатын ұрлау фактісі бойынша "белгілі бір тұрғылықты жері жоқ адамдарды әлеуметтік бейімдеу орталығы" КММ басшысына қатысты қылмыстық істі аяқтады, деп хабарлайды Zakon.kz.

kstnews.kz дерегінше, тергеу 2017-2023 жылдар аралығында мекеменің бюджетіне жауапты орталық басшысы өзінің қызметтік жағдайын пайдаланып, бес адамды жұмысқа қабылдағанын анықтады.

Олар орталықта тек қағаз жүзінде рәсімделген, яғни басшы осы қызметкерлердің жалақысын өзі алып отырған және жеке қажеттіліктеріне жұмсаған.

Осылайша сотталған адам мемлекетке 11 млн теңгеден астам шығын келтірді.

Кінәлі мемлекетке келтірілген залалды толық көлемде өтеді, соған қарамастан Қостанай №2 сотында оған мемлекеттік қызметте қызмет атқаруға тыйым салынып, екі жыл алты айға бас бостандығынан айыру жазасы тағайындалды.

Бұған дейін Талғардың шетінен Шерзат Полаттың ағасының мәйіті табылғаны хабарланған болатын.