Корея Республикасының елшісі ҚР Құрмет грамотасымен марапатталды

13:28, 22 мамыр 2020

422

ҚР Сыртқы істер министрі Мұхтар Тілеуберді миссиясының аяқталуына байланысты Қазақстан Республикасындағы Корея Республикасының елшісі Ким Дэ Сикті қабылдады, деп хабарлайды zakon.kz.

"Кездесу барысында Министр корей дипломатына Қазақстан мен Оңтүстік Корея арасындағы екіжақты қарым-қатынастардың дамуына қосқан үлесі үшін "Қазақстан Республикасының Құрмет грамотасы" мемлекеттік наградасын табыс етті", деп хабарлайды ҚР СІМ баспасөз қызметі.

М. Тілеуберді Ким Дэ Сикке Елші ретінде атқарған жемісті еңбегі үшін алғыс білдіріп, дипломатиялық қызметінде сәттілік тіледі.

Ким Дэ Сик Елші лауазымына 2017 жылғы сәуірде тағайындалды. Ол - 2019 жылғы сәуірде Корея Республикасының Президенті Мун Чжэ Иннің Қазақстанға мемлекеттік сапары барысында қабылданған "Самал жел" жаңа экономикалық бағдарламасы бастамашыларының бірі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!