Kcell абоненттермен дербес әрекеттесу үшін ЖИ-коммуникацияларды енгізді

"Кселл" АҚ (Kcell және activ брендтері) абоненттермен байланысты автоматтандыру үшін интеллектуалды ЖИ-шешім енгізді.

Жаңа тәсіл тарифтер мен қызметтер туралы ақпаратты жылдам әрі дәл жеткізуге, клиенттердің жеке қызығушылықтарын ескеруге және қалаусыз байланыстар санын азайтуға мүмкіндік береді.

Шешім клиенттің өзгеріп жатқан қалауына жауап ретінде ұсынылды және машиналық оқыту технологияларының, үлкен тілдік модельдер мен Big Data негізінде жасалған. Бүгінде абоненттер ақпаратты мезі қылатын қоңыраулар мен қайталанатын ұсыныстар түрінде емес, уақтылы, нақты іс бойынша және түсінікті форматта алғысы келеді.

"Біз әдейі жаппай қоңырау шалудан интеллектуалды диалог форматына көштік. Жүйе сөйлесудің контекстіне бейімделіп, клиентке тек шын мәнінде өзекті болуы мүмкін шешімдерді ғана ұсынады", — дейді "Кселл" АҚ Big Data және клиенттік құндылықты басқару департаментінің басшысы Асқар Дүйшеналиев.

Жобаның негізінде тәулік бойы жұмыс істейтін және күнделікті мыңдаған абонентпен 24/7 байланысатын интеллектуалды роботтандырылған қоңырау жүйесі жатыр. ЖИ-шешімнің ауқымдалатын архитектурасының арқасында бүгінде роботтандырылған кампаниялар Kcell-дің белсенді абоненттік базасының 23,1%-ына дейін қамтиды.

Жобаны іске асыру үшін Kcell технологиялық серіктес ретінде CybernetAI компаниясын таңдады. Бұл шешімді қолдану маркетингтік кампанияларды іске қосу уақытын қысқартып, абоненттермен өзара әрекеттесу тиімділігін арттырды.

Сонымен қатар, Kcell компаниясында мамандарға техникалық командаларды қатыстырмастан коммуникация сценарийлерін өз бетінше жасауға және өзгертуге мүмкіндік беретін ЖИ-интерфейс енгізіледі. Бұл клиент қажеттіліктеріндегі өзгерістерге жедел әрекет етуге және интеллектуалды коммуникацияларды кең көлемде қолдануға жағдай жасайды.