Қазтелерадио қазақстандықтарға алаяқтар туралы ескертті

"Қазтелерадио" АҚ қазақстандықтарға компания атынан хат жазып, қоңырау шалатын алаяқтардың күшейгені туралы ескерту жасады. Алаяқтар ақша немесе жеке мәліметтерді алуға тырысады, деп хабарлайды Zakon.kz.

Белгісіз нөмірлер мен сайттардан қоңырау шалушылар "Қазтелерадио" АҚ басшылығының немесе жоғары тұрған мемлекеттік органдардың қызметкерлерінің атынан өздерін таныстырады.

"Біз компанияның барлық қызметкерлері мен серіктестерін қырағылық пен жауапкершілікке шақырамыз. Өздерін компания басшыларымыз деп мәлімдеген белгісіз нөмірлерден келген хабарламалар мен қоңырауларға жауап бермеңіз.Кәсіпорын басшылығынан немесе жоғары тұрған мемлекеттік органдардың (министрліктердің) қызметкерлерінен келіп түскен болжамды сұраулар бойынша жеке белгілі нөмірлер арқылы жеке сөйлесу арқылы алдын ала келісімсіз құпия деректерді, құжаттарды немесе қаражатты жібермеңіз". "Қазтелерадио" АҚ

Мұндай хабарламалар мен қоңыраулар түскен жағдайда қазақстандықтардан нөмірді бұғаттап, Қазтелерадио Қауіпсіздік қызметіне мына байланыс телефоны бойынша хабарлауды сұраймыз: 8 (727) 244 45 00, ішкі. 1160.