Қазақстандықтар енді туу туралы куәлікті постаматтар арқылы алуы мүмкін

22:15, 23 мамыр 2025

© Сурет: Zakon.kz

Қазақстандықтарға туу туралы куәлікті Kaspi постаматтары арқылы алу ұсынылуда, деп хабарлайды Zakon.kz.

Мұндай пилоттық жоба Қазақстан Республикасының Цифрлық даму, инновациялар және аэроғарыш өнеркәсібі министрлігі мен Әділет министрлігі бірлесіп іске қосып жатыр. Жоба "Ашық НҚА" порталында жарияланып, биылғы 6 маусымға дейін қоғамдық талқылауға ұсынылған.

Белгілі болғандай, бұл жоба Қазақстан Республикасының "Мемлекеттік қызметтер туралы" заңының 22-бабына сәйкес әзірленіп, мемлекеттік қызметтерді көрсету процесін үнемі жетілдіру, олардың тиімділігін арттыру және азаматтарға туу туралы куәлік беру бойынша қызмет көрсету сапасын жақсарту мақсатында қолға алынған.

Сондай-ақ пилоттық жоба аясында азаматтарға Kaspi Bank мобильді қосымшасы арқылы өтініш беріп, Kaspi Bank АҚ-ның постаматтары арқылы туу туралы куәлікті алу мүмкіндігі ұсынылады. Бұл – Астанада, Алматыда және Ақтауда қолданыстағы тәртіпке балама нұсқа.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!