Қазақстандық теннисшілердің Australian Open турнирінің іріктеу кезеңіндегі қарсыластары кімдер

Теннистен Қазақстан ерлер құрамасының үш спортшысы 2025 жылғы Australian Open әлемдік турнирінің іріктеу кезеңіне қатысады, деп хабарлайды Zakon.kz.

Жарыстың негізгі кезеңіне жолдама алу үшін Михаил Кукушкин, Дмитрий Попко және Тимофей Скатов күш сынасады.

Кукушкиннің алғашқы матчтағы қарсыласы эстониялық Марк Лаял болмақ. Скатов хорватиялық Борн Гойомен кездессе, Попко Гонконг өкілі Коулман Вонға қарсы ойнайды.

Еске салайық, бұған дейін 17 жастағы қазақстандық теннисші Әмір Омарханов әлемдік рейтингіде алғаш рет үздік бестікке енгенін хабарлаған едік.