Циклондар мен антициклондар өзгереді: 9-11 қаңтар аралығында Қазақстанда ауа райы қандай болады

2025 жылдың 9-11 қаңтары аралығында циклондар мен антициклондардың ауысуы Қазақстанның барлық аумағында қарама-қарсы ауа райына әкеледі. Бұл туралы "Қазгидромет" РМК синоптиктері мәлімдеді, деп хабарлайды Zakon.kz.

Бұл күндері еліміздің солтүстігі мен шығысында бұрқасынмен бірге қар күтілсе, батыста жаңбыр мен қар түріндегі жауын-шашын, көктайғақ болады.

"Қазақстан аумағына Атлант және Арктикалық тектес ауа массалары бірін-бірі алмастыра отырып енеді". "Қазгидромет" РМК баспасөз қызметі

Осыған байланысты температураның ауытқуы күтілуде:

• елдің солтүстік жартысы: ауа температурасы -15°С-тан -25°C-қа дейін, түнде -10-18°C-қа дейін ауытқиды;
• оңтүстік бөлігі: температура -10-нан -15°С-қа дейін өзгереді;
• Алматы және Жетісу облыстарының таулы аудандарында: ауа температурасы -20°С-тан -25°С-қа дейін ауытқиды, түнде -5-13°С-қа дейін, таулы аймақтарда -16°С-тан -21°C-қа дейін төмендеуі мүмкін.

Бір қызығы, республиканың батысында ауа температурасының күрт ауытқуы күтілмейді.

Сондай-ақ, мамандардың қорытындысында ел аумағында жел күшейіп, тұман түседі деп болжануда.

Еске салайық, 2025 жылдың 8 қаңтарына қараған түні Алматыны қар басып қалған болатын. Жергілікті әкімдіктің мәліметінше, тазалауға 475 арнайы техника мен 1115 жол жұмысшысы шығарылды.