Қазақстандық боксшы Моңғолиядағы додада көзге түсті

09:36, 3 сәуір 2026

© Сурет: olympic.kz

Моңғолияның Ұлан-Батыр қаласында бокстан Азия чемпионаты жалғасуда. Кезекті жарыс күні шаршы алаңға Ертуған Зейнуллинов шықты, деп хабарлайды Zakon.kz.

Отандасымыз 65 келіге дейінгі салмақтың 1/8 финалында Тайпей өкілі Ю Линмен жұдырықтасты. Нәтижесінде Ертуған айқын басымдықпен жеңіске жетіп, ширек финалға өтті.

Осылайша Ертуған Зейнуллинов ширек финалда қырғызстандық Мирзохид Имамназаровпен кездеседі.

Айта кетейік, бұған дейін 60 келіге дейінгі салмақта Оразбек Асылқұлов ширек финалға өткен еді.