Қазақстанда Ұлттық қордың ақшасын пайдалануға шектеулер енгізіледі

Жаңа Бюджет кодексінің жобасында Ұлттық қордан берілетін нысаналы трансферттерді тек маңызды инфрақұрылымға ғана пайдалануға шектеу енгізілді, деп хабарлайды Zakon.kz.

Жаңа Бюджет кодексінің жобасы туралы Ұлттық экономика министрі Әлібек Қуантыров айтты. Ол мемлекеттік қаржыны басқару бөлімінде Ұлттық қор және бюджеттен тыс қорлар туралы тараулар бар екенін ескертті.

"Ұлттық қордан берілетін нысаналы трансферттерді тек аса маңызды инфрақұрылымға ғана пайдалануға шектеу енгізілді және оған тиісті критерийлер енгізілді. Тек маңызды нысандарға, мысалы, жұмыс орындарын және қосымша салықтарды қамтамасыз ететін зауыт құрылысын салу немесе тұрмысты қамтамасыз ететін инфрақұрылымдар. Бүкіл ел бойынша ұйымдастырылатын "Жайлы мектептер" жобасы сияқты, бір мезгілде бірнеше өңірде бірдей нысандар салынғанда (...) Ұлттық қордан қаражат алу көлемі мақсатты талаптардың көлемімен шектелген"Әлібек Қуантыров

Жеке бапта "Балаларға арналған ұлттық қор" туралы ережелер бар. 2030 жылға дейінгі мемлекеттік қаржыны басқару тұжырымдамасына сәйкес бұлар 18 жасқа толғанға дейін балаларға жыл сайын есептелетін мақсатты талаптар болады.

Кодекс жобасы мәжіліске жіберілді.

11 қыркүйек күні мәжіліс депутаты Берік Бейсенғалиев үш жылдық бюджетті таныстыру барысында Ұлттық қордың үлкен теріс табыстылығын айтқан еді.

Оқи отырыңыз

Премьер-министр астықты айдың соңына дейін жинап алуды тапсырды

10:47, 19 қыркүйек 2023

Астық егетін аймақтардағы ұзақ жауын-шашын егінге кесірін тигізді – министр

10:35, 19 қыркүйек 2023

Астанада 2027 жылға дейін 65 мектеп пайдалануға беріледі

10:10, 19 қыркүйек 2023