Қазақстанда суару маусымы аяқталды
© Сурет: primeminister.kz
Еліміздің барлық аймағында суару маусымы аяқталды. Вегетация кезеңі 1 сәуірде басталды. Суару кезеңінде Су ресурстары және ирригация министрлігі шаруаларға шамамен 11,2 млрд текше метр су берді.
Биыл министрлікке қарасты "Қазсушар" кәсіпорнының филиалдары шаруа қожалықтарымен 25 мыңға жуық келісімшарт жасады. Су тұтыну көлемі бойынша көш басында – Қызылорда облысы. Өңірдің дихандарына шамамен 3,7 млрд текше метр су берілді. Түркістан облысының шаруалары 3,4 млрд текше метр су алды. Жетісу облысының дихандарына 1,37 млрд текше метр су берілсе, Алматы облысының шаруалары 1,57 млрд текше метр су пайдаланды.
"Үкімет төтенше жағдай мен суармалы су тапшылығының алдын алды. Біз былтырғы тәжірибеден сабақ алып, фермерлерге суармалы судың үздіксіз жеткізілуін қамтамасыз еттік. Су дипломатиясы да маңызды рөл атқарды. Биыл Үкіметтің табысты келіссөздері арқасында елімізге Өзбекстан, Қырғызстан және Тәжікстан бастапқыда жоспарланған көлемнен де артық су жіберді", — деп атап өтті су ресурстары және ирригация министрі Нұржан Нұржігітов.
Бүгінгі таңда Үкімет су тасқыны кезеңіне дайындықты бастады. Еліміздің солтүстік, батыс, шығыс және орталық аймақтарындағы су қоймаларынан су жіберіле бастады. Ал, оңтүстік облыстардағы су қоймалары су жинау режимінде жұмыс істеп жатыр.
Орталық Азияның мемлекетаралық су шаруашылығын үйлестіру комиссиясы отырысында Нарын-Сырдария су қоймалары каскадының болжамды жұмыс кестесі жасалады және келесі жылға су беру көлемі бекітіледі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:18, 14 қазан 2024
Қызылорда облысында келінін балағаттаған ененің ісі сотта қаралды
-
17:00, 14 қазан 2024
Алматы мен Шымкентте қар жауады
-
16:57, 14 қазан 2024
Ерлан Қошанов: Орталық Азия біртұтас өңір ретінде дамудың жаңа кезеңін бастан кешуде
-
16:51, 14 қазан 2024
Мемлекет басшысы Армения Премьер-министрі Никол Пашинянмен телефон арқылы сөйлесті
-
16:49, 14 қазан 2024
Күзгі каникулда мектеп оқушылары қанша күн демалатыны белгілі болды