Қазақстанда су тасқынынан зардап шеккендерге мектеп оқушылары да көмектесіп жатыр

Алматыдағы "Арай" білім беру орталығы Ақтөбе облысындағы Ойыл ауданына қаржылай және гуманитарлық көмек жіберді, деп хабарлайды Zakon.kz КТК телеарнасына сілтеме жасап.

Қаражат жинау үшін білім мекемесі арнайы жәрмеңке ұйымдастырған. Оқушылар мен ата-аналар түрлі тағамдар пісіріп, қол өнер бұйымдарын сатылымға шығарыпты. Содан түскен қаржы табиғи апаттан жапа шеккен Ойыл ауданына жөнелтілген. Тек ақшалай көмектеспей, ата-аналар мен ұстаздар түрлі азық-түлік те әкелген. Арасында гигиеналық заттар да бар.

"Ойыл ауданы жалпы тасқынан қатты зардап шеккен аудандардың бірі. Сондықтан да біз сол елдімекенге сәл де болсын көмегіміз ретінде осы шараны өткізіп жатырмыз Жиналған қаржы мен азық-түліктер сондағы мектептердің біріне жеткізіледі". "Арай" білім беру орталығының директоры Мира Жексенбаева