Қазақстанда азаматтық алу үшін мемлекеттік тіл мен Конституцияны білуге қойылатын талаптар өзгереді

10:13, 14 шілде 2025

MKZ: 1492867

© Фото: Zakon.kz

Ғылым және жоғары білім министрлігі ҚР азаматтығына қабылдау немесе ҚР азаматтығын қалпына келтіру кезінде мемлекеттік тілді бастауыш деңгейде, ҚР Конституциясының негіздерін, сондай-ақ Қазақстан тарихын білудің көлемін бекіту туралы бұйрыққа өзгерістер мен толықтырулар жобасын дайындады.

"Қазақстан Республикасының азаматтығы туралы" Заңының 17-бабының 14) тармақшасында Қазақстан Республикасының азаматтығын қабылдаудан немесе азаматтығын қалпына келтіруден бас тартудың негіздері:

Қазақстан Республикасының азаматтығына қабылдау немесе азаматтығын қалпына келтіру туралы өтінішхат, егер өтініш білдірген адам ғылым және жоғары білім саласындағы уәкілетті орган айқындайтын көлемде мемлекеттік тілді, Қазақстан Республикасы Конституциясының негіздерін, сондай-ақ Қазақстан тарихын бастауыш деңгейде білмесе, қабылданбайды.

Түзетулер осы білім көлемін келесідей өзгертуді ұсынады:

Қазақстан Республикасының азаматтығына қабылдау немесе азаматтығын қалпына келтіру кезінде мемлекеттік тілді бастауыш деңгейде кемінде 15 балл, Қазақстан Республикасы Конституциясының негіздерін 20 балдан кем емес, сондай-ақ Қазақстан тарихын білу көлемі кемінде 15 балл болып бекітілсін."

Еске салайық, қазіргі уақытта қазақ тілін бастауыш деңгейде білу кемінде 36 балл, ал Конституция негіздерін білу 9 баллдан кем емес.

Қазақстан тарихын білу деңгейіне қойылатын талаптар өзгеріссіз қалады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!