Қазақстанда Астана есімін иеленген 26 адам бар: елорда туралы қызық деректер

Қазақстан Республикасы Стратегиялық жоспарлау және реформалар агенттігіне қарасты Ұлттық статистика бюросы Астана күніне орай елорда туралы қызық мәліметтерді жариялады, деп хабарлайды Zakon.kz.

Елдің бас қаласы туралы 20 қызықты дерек:

Астана халқының саны – 1 674 699 адам (2026 жылғы 1 маусымдағы жағдай бойынша).

Әйелдер саны ерлерден көп: 884 029 әйел, 790 670 ер адам.

Қазақстан бойынша 26 адамның есімі – Астана.

18 жасқа дейінгі балалар саны – 545 мың. Оның ішінде 280 мыңы – ұл, 265 мыңы – қыз (2026 жылдың басындағы дерек).

2025 жылғы қартаю индексі – 22,9 (100 балаға шаққандағы 65 жастан асқан қарттар саны).

Қала тұрғынының орташа жасы – 30,9 жас (2026 жылдың басындағы жағдай бойынша).

Күтілетін өмір сүру ұзақтығы – 78,8 жыл (2025 жылғы дерек).

Шағын және орта кәсіпкерлік субъектілерінің саны – 274 285 (2026 жылғы 1 маусымдағы жағдай бойынша).

Қаладағы пәтерлер саны – 576 мың (2025 жылғы дерек).

Қоғамдық тамақтану орындарының саны – 6 819. Бұл көрсеткіш бойынша Астана Алматыдан кейін екінші орында. Оның ішінде:

• заңды тұлғалар, филиалдар және шетелдік заңды тұлғалардың филиалдары – 2 241;
• жеке кәсіпкерлер – 4 578.

Елордада 31 театр бар.

Тұрақты интернетке қосылған абоненттер саны – 443,4 мың (2026 жылғы 1 маусымдағы жағдай бойынша).

2026 жылдың бірінші тоқсанында қонақүйлерде 67,9 мың шетелдік турист орналастырылған.

Астанада 6 бес жұлдызды қонақүй бар.