Қазақстан десантшылары Ұлыбритания өткен жарыста үздік үштік қатарынан көріне білді
© Сурет: ДШӘ
Қазақстандық десантшылар Ұлыбританиядағы Уэльсте өткен беделді халықаралық "Кембрий патрулі" жарысында үшінші орынға ие болды, деп хабарлайды Zakon.kz.
Жарыс бірнеше кезеңнен тұрды – екі апта сабақ бойы жалпы жағдайға кіріспе, қауіпсіздік шаралары, қару-жарақтың материалдық бөлігін үйрену, топография, тактикалық және медициналық дайындық сабақтары өтті. Жарыстың белсенді кезеңі 10-12 қазан аралығында өтті.
Биылғы жылы жарысқа 38 елден 100-ден астам команда қатысып, оның ішінде 12 үздік команда финалдық сынға шықты.
Сурет: ДШӘ
Құрамында 8 жауынгері бар Қазақстан командасы жауынгерлік міндеттерді орындай отырып, ұзындығы 70 шақырымнан асатын бағытты еңсерді. Жауынгерлердің әрқайсысы 30 келіден астам жүк көтерді. 48 сағат ішінде әскери қызметшілер химиялық және биологиялық қауіп-қатер кезіндегі іс-қимылды, шабуылдау операцияларын және жету қиын жерлерде бағдарлаумен қоса, күрделі жауынгерлік тапсырмаларды орындады. Әр 8-10 шақырым сайын қатысушылар жауынгерлік машық пен төзімділікті көрсетуді қажет ететін жаңа тапсырмаларға тап болды.
Сурет: ДШӘ
Қазақстан Десанттық-шабуылдау әскерлерінің әскери қызметшілері барлық сынақтарды ойдағыдай орындап, жақсы дайындық пен кәсібиліктің жоғары деңгейін көрсетті. Жарыстың барлық кезеңдерінің қорытындысы бойынша қазақстандық команда қола жүлдеге лайық деп танылды.
Сурет: ДШӘ
"Кембрий патрулі" – 60 жылдан астам уақыт бойы өткізіліп келе жатқан ең беделді және күрделі әскери жарыстардың бірі. Жыл сайын осы жарыс әлемнің түкпір-түкпірінен әскери барлау бөлімшелерінің басын қосады. Бұл жарыс әскери шеберліктің көрсеткіші және қазақстандық әскери қызметшілердің машығы мен жауынгерлік дайындық деңгейінің жоғары екенін растады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:50, 14 қазан 2024
«Астана» футбол клубы «Челсимен» өткізетін матчтына қатысты мәлімдеме жасады
-
22:06, 14 қазан 2024
Шәйді қалай таңдауға болады – тұтынушылар құқығын қорғаушылардың зерттеуі
-
21:53, 14 қазан 2024
Қостанайда танымал дүкен желісіндегі өнімдерге жүргізілген зерттеу актілері нені анықтады
-
21:33, 14 қазан 2024
Атырау облысында 70 келі бекірені тиеп алған жол талғамайтын көлік жүргізушісі ұсталды
-
20:43, 14 қазан 2024
Оралда болған жаппай жол апатының видеосы желіде жарияланды