Қаржылық мониторинг агенттігінің сегіз өңірдегі департамент басшылары ауысты

Қазақстанның сегіз өңірінде Қаржылық мониторинг агенттігінің Экономикалық тергеп-тексеру департаменттеріне жаңа басшылар тағайындалды, деп хабарлайды Zakon.kz.

Таратылған мәліметке сәйкес, Қазақстан Республикасы Президенті Әкімшілігінің келісімімен Қаржылық мониторинг агенттігі төрағасының бұйрығы негізінде мынадай кадрлық тағайындаулар жүзеге асырылды:

• генерал-майор Ерболат Темірболатұлы Балғабаев – Маңғыстау облысы бойынша Экономикалық тергеп-тексеру департаментінің басшысы;
• полковник Еркін Амангелдіұлы Түмелиев – Ақмола облысы бойынша Экономикалық тергеп-тексеру департаментінің басшысы;
• полковник Ерік Өмірбекұлы Есенов – Ақтөбе облысы бойынша Экономикалық тергеп-тексеру департаментінің басшысы;
• полковник Дастан Балтабайұлы Бөкешев – Жетісу облысы бойынша Экономикалық тергеп-тексеру департаментінің басшысы;
• полковник Дархан Ғалымтайұлы Құрақбаев – Қарағанды облысы бойынша Экономикалық тергеп-тексеру департаментінің басшысы;
• полковник Бақытжан Рахманұлы Әбілқайыров – Павлодар облысы бойынша Экономикалық тергеп-тексеру департаментінің басшысы;
• подполковник Нұраби Рашидұлы Төлеутай – Солтүстік Қазақстан облысы бойынша Экономикалық тергеп-тексеру департаментінің басшысы;
• подполковник Сабырғали Базарғалиұлы Балғалиев – Түркістан облысы бойынша Экономикалық тергеп-тексеру департаментінің басшысы.

Еске салайық, бұған дейін Мемлекет басшысы 2026 жылғы 9 маусымда Қазақстан Республикасы соттарының төрағаларын, сот алқалары төрағаларын және судьяларын қызметке тағайындау және қызметінен босату туралы Жарлыққа қол қойған болатын.