«Қарулы жиһадты» насихаттап, әскер жасақтаған қазақстандық 8 жылға бас бостандығынан айырылды

10:18, 9 сәуір 2025

© Фото: Zakon.kz

Шымкентте танымал мессенджерді пайдаланып, лаңкестікті насихаттап, адамдарды өз қатарына тарту үшін сотталды, деп хабарлайды Zakon.kz.

Бұл туралы қалалық прокуратура 2025 жылдың 9 сәуірінде хабарлады:

2024 жылғы қыркүйекте Шымкент қаласында "С" есімді азамат "WhatsApp" мессенджері арқылы танысы "Т" есімді азаматшаға халықаралық террористік ұйым "Мұсылман бауырлар" идеологиясын және "қарулы жиһад" идеясын насихаттайтын, сондай-ақ зорлық-зомбылыққа шақыратын материалдарды жолдап, террористік топтарға қосылуға үгіт – насихат жасаған.

Сот үкімімен "С" есімді азамат ҚР ҚК 256-бабының 2-бөлігі (терроризмді насихаттау, сондай-ақ осындай мазмұндағы материалдарды интернет-ресурстар арқылы тарату) және 296-бабының 1-бөлігі (террористік не экстремистік әрекеттерді ұйымдастыру мақсатында адамдарға үгіт – насихат жасау, даярлау немесе қаруландыру) бойынша кінәлі деп танылып, оған 8 жылға бас бостандығынан айыру жазасы тағайындалды.

"Өткен жылы осындай қылмыс жасағаны үшін 10 азамат сотталған."Шымкент қаласының прокуратурасы

Шымкент қаласының прокуратурасы бұл әрекеттер үшін 5 жылдан 12 жылға дейін бас бостандығынан айыру жазасы және мүлкін тәркілеу қарастырылғанын ескертеді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!