Қарқаралыдағы өртті сөндіруге 100 әскери қызметкер тартылды

Қарағанды облысы Қарқаралы ауданындағы өртті сөндіруге ТЖМ №52859 әскери бөлімінің күштері тартылды, деп хабарлайды Zakon.kz.

Күшті желге байланысты 29 маусым күні Егіндібұлақ ауылы маңындағы Курский орман шаруашылығы аумағында және мемлекеттік ұлттық табиғи парктің аумағында өрт ошақтары қайта тұтанып, бықси бастады.ҚР ТЖМ баспасөз қызметі

Ведомство өкілінің мәлімдеуінше, орман шаруашылығы, ұлттық табиғи парк, өртке қарсы ерікті құрамалар, Қарағанды облысының ТЖД, №52859 әскери бөлімі күштерінің арқасында жағдай тұрақталды.

Жану және бықсу ошақтарында өшіру, қарауылдау және патрульдеу жұмыстары атқарылып жатыр.ҚР ТЖМ баспасөз қызметі

Айта кетерлігі, табиғи өрт туралы алғашқы хабарлама облыстық төтенше жағдайлар департаментіне 20 маусым күні түскен.

Өртті сөндіруге барлығы 220 адам мен 25 техника жұмылдырылды.