Қарағанды облысында «ГАЗель» автобуспен соқтығысты

Қарағанды облысында "ГАЗель" мен жолаушылар автобусы соқтығысып, салдарынан бірнеше адам медициналық көмекке жүгінді. Жол-көлік оқиғасының видеосы әлеуметтік желілерде тарады, деп хабарлайды Zakon.kz.

Қарағанды облысы полиция департаментінің баспасөз қызметі мәліметінше, жол апаты бүгін, 8 қыркүйекте, Қарағандыдан шамамен үш шақырым жерде, "Волынский" мал шаруашылығы қожалығы маңында болған.

"ГАЗель" мен Қарағанды – Жәйрем бағыты бойынша қатынайтын маршруттық автобус соқтығысқан.

Посмотреть эту публикацию в Instagram

Публикация от ВКурсе Караганда | новости | реклама | работа | объявления (@vkyrse_karaganda)

"ГАЗель жүргізушісі мен оның жолаушысы, сондай-ақ маршруттық автобустың екі жолаушысы медициналық мекемелерге жеткізілді. Аталған факт полицияда тіркелді. Қазіргі уақытта оқиғаның барлық мән-жайы анықталып жатыр", – деп хабарлады полиция.

Еске салайық, бұған дейін Алматыда BMW таксимен соқтығысып, гүлзарға кіріп кеткенін хабарлағанбыз.