Қар көшкінінен қаза тапқан бес альпинистің денесі тоғыз айдан кейін таудан түсірілді

2025 жылғы қарашада Непалдағы Ялунг-Ри тауында қар көшкінінен қаза тапқан төрт альпинистің, оның ішінде италиялық-канадалық гид Марко Ди Марчеллоның сүйегі тоғыз айдан кейін Катмандуға жеткізіліп, отбасыларына тапсырылды, деп хабарлайды Zakon.kz.

Ялунг-Ри — Непалдағы Ролвалинг аңғарында орналасқан, биіктігі 5630 метр болатын тау шыңы.

MOUNTAIN.RU жазуынша, 10 тамыз күні 2025 жылдың қарашасында Ялунг-Ри шыңында қар көшкінінен қаза тапқан төрт альпинистің сүйегі Непал астанасы Катмандуға жеткізілді.

Италиялық-канадалық гид Марко Ди Марчеллоның, италиялық Маркус Кирхлердің, неміс Якоб Шрайбердің және непалдық гид Мере Каркидің денелері Ролвалинг өңіріндегі На-Гаун ауданынан тікұшақпен эвакуацияланды. Құтқару операциясын үйлестіруді белгілі альпинист Пхурба Тензинг Шерпа өз мойнына алған.

Посмотреть эту публикацию в Instagram

Публикация от Marco Di Marcello (@marcuccio_camomillo)

Қаза тапқан бесінші альпинист, непалдық Падам Тамангтың денесі отбасының қалауымен Долакха ауданындағы Чарикот елді мекеніне жеткізіліп, жергілікті жерде жерлеу рәсімі жасалуы үшін туыстарына тапсырылды.

Посмотреть эту публикацию в Instagram

Публикация от Marco Di Marcello (@marcuccio_camomillo)

Альпинистердің сүйегі теңіз деңгейінен 5400 метр биіктіктен табылған. Қаза тапқан шетелдік альпинистердің отбасылары денелерін тану және алып кету үшін Катмандуға келген.

Еске салсақ, Ялунг-Ри тауында қар көшкіні өткен жылдың 3 қарашасында болған. Жеті адам қар астында қалып, тағы бес адам жарақат алған.

Бұған дейін Қырғызстан тауларында альпинистер тобы із-түзсіз жоғалып кеткенін жазғанбыз.