Қайрат Сатыбалдыұлының сыбайласына іздеу жарияланды

12:33, 25 қыркүйек 2022

© Сурет: Zakon.kz

Қайрат Сатыбалдыұлы мен бюджетке төленетін басқа да міндетті төлемдерді төлеуден жалтару, сондай-ақ қылмыстық жолмен алынған ақшаны және мүлікті заңдастыру, жылыстату фактілері бойынша өзге де тұлғаларға қатысты сотқа дейінгі тергеу шаралары жүргізіліп жатыр, деп хабарлайды Zakon.kz.

ҚР Сыбайлас жемқорлыққа қарсы іс-қимыл агенттігінің мәліметінше, тергеу барысында Сатыбалдыұлының аса сенімді адамы анықталды. Ол - бірқатар коммерциялық кәсіпорындардың құрылтайшысы және директоры болып табылатын 1983 жылғы Қазақстан азаматы Эфенди Кемаль.

Эфенди кеден саласындағы мәселелерді шешумен, қылмыстық жолмен алынған ақшаны және басқа да мүлікті заңдастырып, жылыстатумен айналысқан. Осы мақсатта оған Сатыбалдыұлы шоттардан ақша шешіп алуға сенімхат берген. Мысалы, 2018 жылдың шілдесі мен тамыз айы аралығындағы үш күн ішінде Эфенди тек бір эпизод бойынша Сатыбалдыұлының жеке шотынан 37 млрд теңге және 62 млн доллар ақшаны шешіп алған.

2022 жылдың ақпан айынан бастап Эфенди Қазақстаннан тысқары аумақта жасырынып, қылмыстық қудалау органына келіп, жауап беруден жалтарып жүр. Оның заңға қарсы әрекеттері ҚР Қылмыстық кодексінің 218-бабының 3-бөлігі, 3-тармағы бойынша сараланып, оған іздеу жарияланды. Антикор

Сотқа дейінгі тергеу шаралары ары қарай жүргізіле береді.

Оқи отырыңыз

Ақтауда пара алды деген күдікпен кеден бекеті басшысының орынбасары ұсталды

ШҚО-ның ішкі мемлекеттік аудит департаментінің басшыларына қатысты сот үкімі шықты

Қарағандыда бюджет ақшасын ұрлау фактісі бойынша екі мекемеде тексеру жүргізіліп жатыр

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!