ІІМ 2025 жылға арналған есірткі және психотроптық заттарға квоталар әзірледі

ҚР ІІМ "Қазақстан Республикасының есірткі құралдарына, психотроптық заттар мен прекурсорларға 2025 жылға арналған мемлекеттік квотасын бекіту туралы" Үкіметтің қаулысын дайындады, деп хабарлайды Zakon.kz.

Есірткі және психотроптық заттарға квоталар қарастырылған;

• медициналық мақсаттар үшін;
• ғылыми-зерттеу және оқу мақсаттары үшін;
• өндірістік мақсаттар үшін.

Квоталар белгіленген заттардың ішінде:

• Героин
• Кодеин
• Кокаин
• Метадон
• Морфин
• Оксикодон
• Промедол
• Фентанил және басқалары

Белгілі болғандай, квоталарды белгілеу ағымдағы жылы республиканың емдеу ұйымдарын, өндіруші кәсіпорындарын есірткі құралдарымен, психотроптық заттармен және прекурсорлармен толық қамтамасыз етуге мүмкіндік береді.

Құжат 28 ақпанға дейін қоғамдық талқылау үшін "Ашық НҚА" сайтында орналастырылған.