Халықаралық іздеуде жүрген қазақстандық Антальядан табылды

09:44, 14 қараша 2024

© Сурет: ҚР Бас прокуратурасы

Түркиядан халықаралық іздеуде жүрген қазақстандық экстрадицияланды, деп хабарлайды Zakon.kz.

Таратылған мәліметке сүйенсек, Қазақстан Республикасының Бас прокуратурасы мен ҚР ІІМ Интерполының қызметкерлері Қазақстан Республикасы Сыртқы істер министрлігінің көмегімен Түркия Республикасынан аса ірi мөлшерде психотроптық заттардың аналогтарын сату мақсатында заңсыз сақтағаны үшін қылмыстық жауапкершілікке тарту мақсатында Қазақстан азаматын экстрадициялады.

"Астанада 2022 жылдың желтоқсанында полиция қызметкерлері жедел іздестіру шараларын жүргізу барысында одан 17 қапшықша аса ірі көлемде меткатинон тәркіледі. Қылмыс жасағаннан кейін күдіктінің жасырынуына байланысты ол халықаралық іздеуге жарияланды. Ағымдағы жылғы қазанда күдікті Анталья қаласында ұсталып, кейін Қазақстан Республикасына экстрадицияланды".ҚР Бас прокуратура баспасөз қызметі

Қазіргі уақытта күдікті уақытша ұстау изоляторына қамалды.

"Айыпталған қылмысты жасағаны үшін мүлкі тәркіленіп, 10 жылдан 15 жылға дейінгі мерзімге бас бостандығынан айыру жазасы қарастырылған",- деп қорытындылады ведомство.

Бұған дейін Алматыда ірі есірткі зертханасы жойылғаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!