Әсел Жанасова Сауда және интеграция вице-министрі қызметінен босатылды

ҚР үкіметінің қаулысымен Әсел Жанасова басқа жұмысқа ауысуына байланысты ҚР Сауда және интеграция вице-министрі қызметінен босатылды. Бұл туралы 30 қыркүйекте премьер-министрдің баспасөз қызметі мәлімдеді, деп хабарлайды Zakon.kz.

Әсел Жанасова 1987 жылы Алматыда дүниеге келген. Кембридж университетін бітірген.

Еңбек жолын 2010 жылы ENRC Kazakhstan Өндірісті автоматтандыру және коммуникациялар департаментінің ақпараттық технологиялар бойынша маманы болып бастады.

2016-2017 жылдары «Зерде» ҰБХ» АҚ басқарма төрағасы болып жұмыс істеді.

2018-2020 жылдары «Астана» халықаралық қаржы орталығының цифрлық технологиялар жөніндегі басқарушы директоры болды.

2020 жылдың шілдесінен қазіргі уақытқа дейін Қазақстанның Сауда және интеграция вице-министрі болды.