Әмір Омарханов Грузиядағы ITF Juniors турнирінің абсолютті чемпионы атанды

23:28, 6 маусым 2023

© Сурет: Қазақстан теннис федерациясы

Тбилисиде 18 жасқа дейінгі теннисшілер арасындағы ITF Juniors J60 сериясындағы турнир аяқталды. Қарағанды теннис мектебінің түлегі, қазір Чехиядағы ең үздік теннис академияларының бірінде жаттығып жүрген 15 жастағы Әмір Омарханов турнирдің жеке және жұптық сынында да жеңіске жетті.

Қазақстандық теннисші жекелей сын бойынша финалда әзербайжандық Канан Гасымовты 6:1, 6:3 есебімен сенімді түрде жеңді. Финалға дейінгі матчтарда қазақстандық теннисші бірде-бір сетте жеңілген жоқ.

Әмір Омарханов жұптық сындағы финалдық кездесуде болгариялық Иван Найденовпен бірге қазақстандық Ілияс Маратұлы мен Виталий Зацепинді 6:3, 6:4 есебімен ұтты.

Осылайша, Әмір Омарханов ITF Juniors-тегі өзінің бесінші жүлдесін жеңіп алды, оның екеуі жекелей сында.

Тбилисидегі жетістігінің арқасында қазақстандық теннисші жасөспірімдер арасындағы әлемдік рейтингіде 298-орынға көтерілді.

Оқи отырыңыз

Аргентиналық жанкүйерлер футбол матчын отшашу мерекесіне айналдырды

Қазақстандық теннисші Бейбіт Жұқаев АҚШ-тағы жарыстың финалында жеңіліп қалды

"Өзіңсіз мүлде жаралы жан едім". Қазақша ән орындаған Илья Ильин көптің көңілін босатты

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!