Елордада Ұлттық ұлан сарбаздары Есілге батып бара жатқан ер адамды құтқарды

21:23, 9 тамыз 2022

© Сурет: ҚР Ұлттық ұланның баспасөз қызметі

Оқыс оқиға сағат 17:10 шамасында орын алған. "Ататүрік" саябағының аумағында патрульдеу кезінде Ұлттық ұланның жауынгерлері суға батып бара жатқан адамды байқайды, деп хабарлайды Zakon.kz.

Қатардағы патруль бастығы Оралбек Жиенбай үстіндегі жарақтарын шешіп, адамды құтқару үшін суға бірінші болып секірді. Одан кейін патрульдік топтың бастығы кіші сержант Айбат Есіркеп те көмекке келді. Екеуі 44 жастағы зардап шегушіні судан алып шығып, оған алғашқы медициналық көмек көрсетті.

Біз жағалау бойында жүргенбіз. Кенеттен: "Көмектесіңіздер!" деп дауысты естідік. Қарасақ, өзен ортасына бір адам суға батып барады. Ол өзеннің келесі бетіне жүзіп барамын деп, ортасына келгенде әлі құрып, күші таусылған, - деді Жиенбай.

Оқиғаның мән-жайын анықтау үшін оқиға орнына құқық қорғау органдарының өкілдері келіп-жетті.

Оқи отырыңыз

Әскери қызметте болған қыз командирді оғаш қылық көрсетті деп айыптады

ҰҚК мемлекеттік шекараны бұзу фактісі бойынша мәлімет таратты

Қазақстандағы сарбаздар арасындағы суицидтің ықтимал себептері айтылды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!