Елімізде алғаш рет аутизм диагнозы бар жасөспірімдерге арналған коворкинг орталығы ашылды

Елімізде алғаш рет аутизм диагнозы бар жасөспірімдерге арналған коворкинг орталығы ашылды. Астана қаласында орналасқан мекеме 12 жастан 18 жасқа дейінгі балаларды қабылдайды.

Оларға мамандар компьютермен жұмыс істеуді, аспаздық, тігін, қолөнер және сурет салуды үйретіп, тіл курстарын өтеді. Осылайша, аутист балалар түрлі мамандыққа бейімделеді, деп жазады qazaqstan.tv.

Орталықта фитнес залы мен үстел теннисі бөлімі бар. Бұл үйірмелерге Астанадағы 120 жасөспірім тегін қатыса алады.

"Мысалы, менің балам компьютерге жақсы. Енді оны осы жерден әрі қарай дамытуға мүмкіндік алады. Сонымен қатар, басқа балаларда өзі қай салаға жақын, қай өнерге жақын, ол спорт бола ма, ол сурет бола ма немесе тамақ жасау, аспаз өнеріне ме, сондай түрлі өнер үйренуге осы жерде мүмкіндік жасап отыр." Гүлжазира Бекішева, ата-ана