Елімізде адам саудасына қатысты қылмыстар 19% азайған

13:59, 4 шілде 2022

© Сурет: Zakon.kz

Биыл қаңтар мен мамыр арасында Қазақстанда адамды қанау және сатумен байланысты 51 құқық бұзушылық тіркелді. Бұл бір жыл бұрынғыдан 19% аз, деп хабарлайды Zakon.kz.

Құқық бұзушылықтардың басым бөлігі жезөкшелік және онымен айналысуға арналған притондарды ұйымдастыру немесе ұстауға қатысты. Бір жыл бұрын олардың саны 35 болса, биыл 29 іс анықталған. Жылдық төмендеу – 17,1%.

Адам саудасы бойынша 8 іс, жезөкшелікке тартуға, кәмелетке толмаған адамды пайдалану және жезөкшелікпен айналысуға тартуға қатысты 6 оқиға, 3 жағдай, кәмелетке толмағандарды сатуға қатысты 2 іс анықталған.

Биыл бес айда жезөкшелікпен айналысу және онымен айналысу үшін притондар ұйымдастыру немесе ұстау ісімен 13 адам, жезөкшелікпен айналысқаны үшін 3 адам, адам саудасы үшін 1 адам қылмыстық жауапкершілікке тартылды. Қылмыскерлердің басым бөлігі – Қазақстан азаматтары. Сонымен қатар ТМД елдерінің 1 азаматы (жезөкшелікпен айналысқаны үшін) қылмыстық жауапкершілікке тартылды, деп мәлімдеді Ranking.kz.

Жеке тұлғаларға қатысты жасалған құқықбұзушылықтар саны 30,8% азайып, 18 құқықбұзушылық болды. Оның ішінде адам саудасы саласында 6 құқықбұзушылық, жезөкшелікпен айналысуға арналған притондар ұйымдастыру немесе ұстау және сутенерлік – 4 құқықбұзушылық, ересектер мен кәмелетке толмағандарды жезөкшелікпен айналысуға тарту – 3 құқықбұзушылық, кәмелетке толмағандарды саудалау – 2 құқықбұзушылық.

БҰҰ есебіне сай, адам саудасының ең көп тараған түрі (79%) – жыныстық қанау. Жыныстық қанаудың құрбаны – негізінен әйелдер мен қыздар. Адам саудасының екінші кең тараған түрі – мәжбүрлі еңбек (18%), дегенмен бұл бұрмалау болуы мүмкін. Себебі мәжбүрлі еңбек жыныстық саудаға қарағанда азырақ анықталады және хабарланады. Дүние жүзінде адам саудасының құрбандарының шамамен 20%-ы – балалар.

Оқи отырыңыз

Талдықорғанда қоқыс жәшігінен сәбидің денесі табылды

Павлодарда жасөспірімдер темекі бермеген ер адамды соққыға жыққан

Оқушыларды бұрын қылмыстық жауапқа тартылған адамдар тасымалдағаны анықталды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!