Еліміз ЕАЭО шеңберінде медициналық бұйымдар айналысының тәртібі туралы хаттаманы ратификациялады
© Сурет: gov.kz
Мемлекет басшысы "2014 жылғы 23 желтоқсандағы Еуразиялық экономикалық одақ шеңберінде медициналық бұйымдар айналысының бірыңғай қағидаттары мен қағидалары туралы келісімге өзгеріс енгізу туралы хаттаманы ратификациялау туралы" ҚР Заңына қол қойды, деп хабарлайды Zakon.kz.
Мемлекет басшысы "2014 жылғы 23 желтоқсандағы Еуразиялық экономикалық одақ шеңберінде медициналық бұйымдар (медициналық мақсаттағы бұйымдар мен медициналық техника) айналысының бірыңғай қағидаттары мен қағидалары туралы келісімге өзгеріс енгізу туралы хаттаманы ратификациялау туралы" Қазақстан Республикасының Заңына қол қойды, делінген Ақорда хабарламасында.
Айта кетсек, аталған келісім 2016 жылғы 12 ақпанда күшіне енген. Бүгінгі таңда Еуразиялық экономикалық комиссия кеңесі одақ шеңберінде медициналық бұйымдар айналысының бірыңғай қағидаттары мен қағидалары туралы келісімге өзгеріс енгізу туралы төрт хаттама мақұлданған.
Бірінші хаттаманы ратификациялау бұрынғы ұлттық рәсім бойынша берілген мерзімсіз тіркеу куәліктері бар медициналық ұйымдарға Еуразиялық экономикалық одақ шеңберінде қайта тіркелмей Қазақстан аумағында еркін айналымда болуына мүмкіндік береді. Ұлттық заңнама бойынша 10 медициналық бұйым тіркелген. Оларды одақ шеңберінде қайта тіркеудің қажеті жоқ.
ДСМ мәліметінше, екінші хаттама ұлттық тіркеуді 2022 жылдың аяғына дейін ұзартуға және ұлттық заңнама бойынша жаңа медициналық бұйымдарды тіркеуге мүмкіндік берген. Алайда бұған тиісті мекемелер дайын болмағандықтан, оны 2025 жылғы 31 желтоқсанға дейін созу туралы төртінші хаттама әзірленді.
"Бұл заңдар Еуразиялық экономикалық одақ аясындағы медициналық бұйымдар айналымына қатысты жекелеген мәселелерді реттеуге арналған. Жаңа нормалар Еуразиялық экономикалық одаққа мүше мемлекеттерді сапалы медициналық бұйымдармен жүйелі негізде қамтамасыз етуге қолайлы жағдай қалыптастырады деп сенеміз", - деді Мәулен Әшімбаев аталған құқықтық құжаттың Сенаттағы талқысы барысында.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
10:15, 27 сәуір 2024
Кейбір Халыққа қызмет көрсету орталықтарының жұмыс кестесіне өзгерістер енгізілді
-
09:57, 27 сәуір 2024
30 жыл бұрын Ыстықкөлде қыз зорлаған ер адам Павлодарда ұсталды
-
09:44, 27 сәуір 2024
ІІМ: «Ақтөбе» футбол командасының жанкүйерлері жауапқа тартылды
-
09:30, 27 сәуір 2024
Елімізде медициналық қызметтердің тарифтері қайта есептеледі
-
09:19, 27 сәуір 2024
Атырау қаласында су тасқынына қарсы іс-шаралар күшейтілді