Елена Рыбакина Штутгарттағы WTA 500 турнирінің финалына шықты

18 сәуір күні Германияның Штутгарт қаласында өткен беделді WTA 500 турнирінің жартылай финалдық кездесулері аяқталды. Осы кезеңде қазақстандық теннисші Елена Рыбакина финалға жолдама алды, деп хабарлайды Zakon.kz.

Рыбакина финалға шығу үшін ресейлік Мирра Андрееваны (әлемнің 9-ракеткасы) 7:5, 6:1 есебімен жеңді.

Посмотреть эту публикацию в Instagram

Публикация от Porsche Tennis (@porschetennis)

Бұл кездесуде тартыс тек бірінші сетте байқалды. Ал екінші сетте қазақстандық спортшы қарсыласын айқын басымдықпен ұтып, оған тек бір ғана гейм берді.

Осылайша, Елена Рыбакина бүгін, 19 сәуірде турнирдің чемпиондық атағы үшін ойнайды. Финалда ол чехиялық Каролина Муховамен кездеседі. Мухова бұл турнирде 7-ші нөмірмен тіркелген.

Посмотреть эту публикацию в Instagram

Публикация от WTA (@wta)

Айта кетейік, шешуші ойында чемпиондықпен бірге Porsche автокөлігі де бәйгеге тігіледі.