Ел азаматтарына 193 мың көлемінде төлем төленетіндігі туралы ақпарат – фейк

18:17, 9 желтоқсан 2022

© Сурет: Zakon.kz

WhatsApp-та еліміздің әрбір азаматына "193 817 лв" мөлшерінде төлем жасалатыны туралы хабарлама тарап жатыр, деп хабарлайды Zakon.kz.

Stopfake.kz жарияланымында бұл туралы президент Қасым-Жомарт Тоқаев кезектен тыс сайлаудан кейін мәлімдеген-мыс деп көрсетілген.

Сурет: Stopfake.kz

Хабарламаны оқығанда көзге түсетін бірінші нәрсе – адамдарға қаражат төленетін валютаның лв деп көрсетілуі. Бұл болгар ұлттық валютасының белгісі: лев. Қазақстанда бұл валюта пайдаланылмайды және ешқандай мемлекеттік төлемдер жүргізілмейді.

Сонымен қатар төлемді алу үшін қандай да бір ресми ресурсқа емес, Fi-fa Qatar мекен жайы бойынша сайтқа өту ұсынылатынына назар аударған жөн.

Іс жүзінде ҚР азаматтары атаулы әлеуметтік көмек алуға өтінімдерді тек eGov.kz порталында ғана бере алады, делінген хабарламада.

Қасым-Жомарт Тоқаевтың президенттікке қайта сайланған жағдайда, жаппай ақшалай төлемдер жасалатыны туралы сөзі де шындыққа жанаспайды. Оның сайлауалды науқанында бұл туралы ештеңе айтылған жоқ.

Демек, таралған хабарлама өтірік.

Оқи отырыңыз

Зергерлік бұйымдар контрабандасы үшін ер адам 1,5 жылға бас бостандығынан айырылды

Ақтөбе облысында жол апатынан үш жасар бала көз жұмды

Астанада жас жігіт 25-қабаттан құлап, қайтыс болды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!