Екібастұзда жалған полицей ұсталды

11:50, 25 мамыр 2022

© Сурет: Zakon.kz

Екібастұзда жалған полицей ұсталды. Несие бойынша берешегін тексереміз деген желеумен жәбірленушілердің құжаттарының көшірмелерін жасап, кейін оларға несие алған. Сотқа дейінгі тергеу амалдары жүргізілуде, деп хабарлайды Zakon.kz.

Екібастұз полицейлері Қарағанды облысы Саран қаласының полицейлері іздеуде жүрген 25 жастағы Петропавл қаласының тұрғынын ұстады.

Полицейлер ұстаған соң Екібастұз қаласы аумағында жасалған алаяқтық фактілері анықталды.

Күдікті сәуір айында Екібастұз қаласында өзін полиция қызметкерімін деп таныстырып, несие бойынша берешегін тексереміз деген желеумен жәбірленушінің құжаттарын видеоға, суретке түсіріп, сол арқылы құжаттардың көшірмелерін алған. Жәбірленуші банктердің бірінде 140 000 теңге көлемінде несие алғанын білгенде дабыл қаққан. Павлодар облысы ПД баспасөз қызметі

Полиция мұндай қылмыстық схеманың жүйелі екенін атап өтті. Күдікті қамауға алу кезінде осыған ұқсас қылмыстарды Қазақстанның басқа облыстарында (Қарағанды және Қостанай) жасағанын мойындады.

Қазір екібастұздық зардап шеккен екі адамның кім екені анықталды. Сот ұсталғанға қатысты қамауға алу түріндегі бұлтартпау шарасына санкция берді. ҚР Қылмыстық кодексінің 190-бабы бойынша сотқа дейінгі тергеу амалдары жүргізілуде.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!