«Әке жайлы айтпаймын, қозғамаймын өлең де». Садраддиннің әні көпті ойлантып тастады

Танымал тележүргізуші Шахкерім Кәрмен желідегі парақшасында жас әнші Садраддин Болаттың "Түн" әнін талдап, отбасылық құндылық туралы арыдан ой қозғайды. Оның пікірінше, әнші адам өміріндегі үлкен трагедияны екі сөзге сыйғызып жіберген, деп хабарлайды Zakon.kz.

"Садраддинның "Түн" әніндегі "Әке жайлы айтпаймын, қозғамаймын өлең де" деген сөзі үлкен романда сипаттай алмайтын адам өміріндегі үлкен трагедияны екі сөзбен жеткізіп тұрғандай. "Ұлым" демейтін әкелер болса да, "Елім" дейтін ұл туады дегенменен. Елестетіңізші, 10 мың адам осындай ұлымыз бар деп мақтанып тұрды ол арада. Жаратқан ием жар болсын! Тілектеспін. Еркектерге, балаңыз өлеңге қосатындай өмір сүріңіз, әйелдерге, балаңыз осындай болатындай өмір сүріңіз дегім келеді, делінген тележүргізуші жазбасында.

Айта кетсек, күні кеше жас әнші Садраддин Болаттың "Алматы арена" кешенінде жеке концерті өтті. Бұл концертті ұйымдастыру кезінде әншінің досы, блогер Дархан Жолшыбеков 70 млн теңге көлемінде қаржылық көмек көрсеткен деген ақпарат та бар.

Әнші сұқбаттарында әкесі туралы көп айта бермейді. "Уақыты келгенде әкем туралы әңгімені әнмен жеткіземін. Әкеме ешқандай ренішім жоқ. Уақыты келгенде айтылады", - деген еді ол бір сұқбатында.

Оқи отырыңыз

Мұзафар Әлімбаевтың 100 жылдығына орай өткен айтыстың бас жүлдесі кімге бұйырды

14:46, 10 қыркүйек 2023

Ақтөбе облысында Досжан ишан Қашақұлының мемориалды кешені ашылды

01:13, 09 қыркүйек 2023

Алматыда Максим Галкиннің концерті ақыры өтетін болды

20:29, 07 қыркүйек 2023