Егер өнім декларацияланған болса, үзіліс жасап ананас дәмді тәттілерді жеуге болады

Тәттіден ләззат алу – бұл оның зиянсыз құрамы және табиғи қоспалары болғанда ғана, жақсы. Ал егер өнімде азық-түлік құрамы көрсетілмеген жағдайда не істеу керек?

Қауіпсіздік ережелері мен өнімді таңдауды Ақмола облысының тұрғындарымен сарапшы Жанна Биятан бөлісті.

Тәттілерді таңдауда қателеспеу үшін қарапайым ұсыныстарды орындаңыз:

1. Жапсырманы оқыңыз. Ол сізге саналы шешім қабылдауға көмектесетін барлық ақпаратты қамтуы керек.
2. ЕАС белгісінің болуына назар аударыңыз. Бұл өнімнің сапасы мен техникалық регламенттер талаптарына сәйкестігін көрсетеді.
3. Құрамы мен жарамдылық мерзімін тексеріңіз. Егер ақпарат жоқ немесе күмән тудырса, сатып алудан бас тартқан жөн.
4. Сақтау шарттары. Бұл бөлік тағамдардың, әсіресе тез бұзылатын тәттілердің көпшілігі үшін өте маңызды.
5. Таңбаламаның тіліне назар аударыңыз. Қазақстан аумағында сатылатын өнім қазақ және орыс тілдерінде таңбалануы керек.
6. Сатушыға сұрақ қойыңыз. Күмәніңіз болса, сатушыдан тауардың құжаттарын, оның ішінде сәйкестік сертификаттарын сұраудан ұялмаңыз. Сатушылар мұндай ақпаратты ұсынуға міндетті. Сертификаттарды тексеру қызметтерінің бірі – Сертификаттардың ұлттық дерекқоры, онда сертификат нөмірін немесе өнімнің атын енгізіп, оның расымен сертификатталғанын және өндірушісін білуге болады.

Ақмола облысының ұлттық сараптама орталығы бұл жолы ананас дәмі бар "Kong" тәттісін қауіпсіздік және Кеден одағының техникалық регламенттеріне сәйкестік тұрғысынан жан-жақты тексерді (КО ТР 021/2011 және КО ТР 022/2011).

Зерттеу нәтижелері бойынша, өнімнің қауіпсіздік талаптарына сай екені белгілі болды, бірақ оның декларацияланғаны белгісіз, себебі дерекқорда бұл туралы ақпарат табылмады, – деп түсіндірді Жанна Биятан.

Ұлттық сараптама орталығы төмендегідей негізгі кемшіліктерді анықтады:.

• Тағамдық өнімнің құрамы көрсетілмеген.
• Сақтау шарттары көрсетілмеген;
• Тағамдық өнімге шектеулер мен ұсынымдар туралы ақпарат жоқ;
• ЕАС таңбасына қатысты ақпарат жоқ;
• Қазақ тіліндегі таңбалама жоқ;
• Қаптама жасалған материалдың сандық-әріптік белгісі көрсетілмеген, пиктограммалар мен белгілер жоқ.

ЕАС белгісі деген не?

ЕАС аббревиатурасы "Еуразиялық сәйкестік" (Eurasian Conformity) дегенді білдіреді. ЕАЭО-да міндетті сертификаттаудан өтуі тиіс өнімдерге белгі қойылады. Мұндай тауарлардың нақты тізімі жоқ. Тауар түріне байланысты техникалық регламенттерді зерттеу арқылы белгінің қажет екенін анықтауға болады.

Сертификаттаудан өтуі қажет және таңбаламаны талап ететін тауарлар тізімі:

• Тамақ өнімдері.
• Жиһаз заттары.
• Тұрмыстық электр құрылғылары.
• Ұзартқыштар мен кабельдер.
• Компьютерлер.
• Жеңіл өнеркәсіпке қатысты бұйымдар.
• Косметикалық және парфюмерлік өнімдер.
• Балалар мен жасөспірімдерге арналған өнімдер.

ЕАС белгісі тауарды нарыққа шығарғанға дейін қойылады (Еуразиялық экономикалық одақтың нарығындағы өнімді айналымға салудың бірыңғай белгісін қолдану тәртібінің 2-бөлімі, Кеден одағы комиссиясының 2011 жылдың 15 шілдесінде №711 шешімімен бекітілген) және бұл тауардың сертификатталған/декларацияланған екенін кепілдендіреді.

Өнімдегі ЕАС таңбаламасының шынайылығын қалай тексеруге болады.

• ЕАС белгісі анық көрінуі және оңай оқылуы керек. Ол өнімге немесе оның қаптамасына зақым келтірмейтіндей, алып тастау қиын болатындай етіп қойылуы қажет.
• ЕАС белгісінің шынайылығын тексеру үшін арнайы веб-ресурстарды пайдалануға болады. Сертификаттау органдарының ресми сайттарында сәйкестік сертификаттарын бірегей нөмір бойынша тексеру қызметі қарастырылған, оның жанында ЕАС белгісі бірге көрсетілуі тиіс.
• Белгі бейнесінің сапасына назар аудару керек: ол жоғары сапалы, бұлдыр болмауы керек. Барлық міндетті элементтердің, оның ішінде әріптер мен белгілердің дұрыс орналасуын тексеру маңызды.

Тұтынушылардың құқықтарын қорғау жөніндегі жобаның аясында бұл материалды дайындаған "Маңғыстау облыстық тұтынушылардың құқықтарын қорғау қоғамы" қоғамдық бірлестігі ұйымы тұтынушылардың құқықтарын қорғау тек мемлекеттік органдардың міндеті ғана емес, сонымен бірге азаматтардың да міндеті екенін еске салады.

Осыған ұқсас сұрақтар бойынша байланыс нөмірі 87054222739 немесе Instagram парақшасы: OZPP.KZ – https://www.instagram.com/ozpp.kz/