Әбсаттар қажы Дербісәлі дүниеден озды

Қазақстанның бас мүфтиі болған, шығыстану саласының белді ғалымы Әбсаттар қажы Дербісәлі дүниеден озды, деп хабарлайды zakon.kz.

Бұл туралы саясаттанушы Ерлайын Сайыров Facebook-тегі парақшасында жазды.

"Әбсаттар Дербісәлі қажы дүниеден өтіпті. Қазақтың рухани әлеміне, ғылымына еңбегі зор азамат! Иманды болсын. Жаны жәннатта болсын", делінген қаралы жазбада.

Айта кетсек, ғалымның ауруханада жан сақтау бөлімінде ауыр хәлде жатқаны алдында хабарланған болатын.

Айта кетсек, Әбсаттар Бағысбайұлы Дербісәлі (15 қыркүйек 1947 жылы туған, Түркістан облысы Түлкібас ауданы) – шығыстанушы, дінтанушы, әдебиет зерттеуші, жазушы, сыншы, филология ғылымдарының докторы, 1-сыныпты кеңесші, дипломатиялық лауазым иесі.