Дүкеннен 50 мың теңгеге тәттілер ұрлаған екі астаналық ұсталды

17:12, 5 маусым 2023

© Сурет: pixabay

Полицияға елордалық гипермаркеттердің бірінің өкілі жүгініп, бейтаныс адамдар сауда залынан Kinder Joy шоколад жұмыртқаларын ұрлап кеткендігі туралы арызданған.

Ұрлық сәті бейнебақылау камераларына түсіп қалған. Кадрларда күдіктілердің жан-жағына қарап, оларды ешкім бақыламай тұрған сәтті пайдаланып, серіктесінің сөмкесіне тосынсыйлары бар шоколадтарды салып жатқаны көрінеді.

Күдіктілер 50 мың теңгеден астам сомаға шоколад жұмыртқаларын иемденген. Барлық ұрлаған Kinder тосынсыйларын олар сатып жіберген.

Жедел-іздестіру іс-шараларын жүргізу нәтижесінде Сарыарқа ауданы ПБ криминалдық полиция қызметкерлері 22 және 23 жастағы екі жігітті анықтады.

Аталған дерек бойынша сотқа дейінгі тергеу амалдары жүргізіліп жатыр. Жігіттер мойындау көрсетпелерін берді, олардың елорда аумағында жасалған басқа да осыған ұқсас қылмыстарға қатысы бар-жоғы тексеріліп жатыр.

Күдіктілердің бірі Астана қаласы ПД уақытша ұстау изоляторына қамалды. Астана қаласының полиция департаменті азаматтарға қырағы болуды, жұмыс орнын қараусыз қалдырмауды ескертеді.

Оқи отырыңыз

Қазақ шабандозы Францияда өткен бәйгеде бірінші келді

Астанада қашан жаңбыр жауады

СҚО-да 180 тонна улы химикат төгілді

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!