Дархан Дүйсебай да Бакудегі жарыстың финалында жұдырықтасады

Әзербайжан астанасы Бакуде өтіп жатқан "Ұлы жібек жолы" халықаралық бәсекесінің финалында бес қазақ боксшысы жұдырықтасады, деп хабарлайды Zakon.kz.

Соңғы болып жерлестерімізден ақтық айқасқа 71 келіде Дархан Дүйсебай шықты.

Жартылай финалда ирандық Касра Тахмасевимен кездескен жерлесіміз ара-қашықтықты сақтай жүріп, қарсыласына лайықты жауап қатып отырды.

Соққыларын әлдеқайда дөп тигізуінің арқасында төрешілер бірауыздан Дарханды жеңімпаз деп таныды.