Блок-бекеттегі ойран. Аман қалған полиция қызметкері сол күні не болғанын айтып берді

Алматы облысында бұрынғы полиция қызметкері Азат Азаматов биылғы жылдың мамыр айында блок-бекетте мас күйінде көлігімен қойып кетіп, екі полиция қызметкерін өлтіргені үшін сотталып жатыр. Бүгін сотта сол оқиға кезінде ауыр жарақат алған үшінші полиция қызметкері сөз сөйледі, деп хабарлайды zakon.kz.

Жарақат алған полиция қызметкерінің есімі - Ерболан Сейдәзім. Ол - 26 жаста. Апат болған кезде ол жол бойында планшетпен тұрған. Оған Азаматов соққан бетон қоршаудың қирандысы тиген. Сейдәзім ауыр жарақат алды. Ол жансақтау бөлімінде болды, нейрохирургтар оған ота жасады, маусым айында ол ауруханадан шықты. Ол соңғы сот отырысына қатысқан жоқ. Бүгін сотта полиция қызметкері қайғылы оқиға болған күні не болғанын айтып берді.

- 18 наурыздан бастап сол жол апаты орын алғанға дейін уақыт аралағында мен сол блок-бекетте жұмыс істедім. 24-і күні өз жұмысыма кірістім. Апат таңғы сағат 5-те болды. Апаттан бірнеше минут бұрын планшетті алу үшін стансаға бас сұқтым, оны жол полициясы қызметкерлеріне табыстауым керек болған. Мен көлікке жақындаған сәтте апат болды. Бірнеше күннен кейін көзімді ашқанда ғана ол кезде не болып, не қойғанын бір-ақ түсіндім, маған бетонның бір қирандысы келіп тиген секілді, - деп еске алды жәбірленуші өткен күнді.

Полиция қызметкерінің бетон бөлшегінің өзіне қалай келіп тигені есінде жоқ.

Ол марқұм болған полиция қызметкерлерімен де және Азаматовпен де жақын таныс болмағанын айтты.

Ер адам бір ай ауруханада жатты. Жұмысқа әлі шықпаған.

- Жұмысқа шығуға дайынсыз ба? - деп сұрады адвокат.

- Дайынмын, солай секілді - деп жауап берді Сейдәзім.

Моральдық шығын өтету үшін сотқа жүгінесіз бе деген сұраққа полиция қызметкері:

Мен емдеуді жалғастыруым керек, ойланамын, - деп жауап берді жәбірленуші.

Одан соң сот алдына қайғылы оқиға болған жерде тұратын куәгер келді. Ол сырттан көмекке шақырған дауыстарды естіп, солай қарай асыққанын айтты.

"Есікті аш, аузыңды жап, не істедің, адам өлді" дегенді естідім. "Мен емеспін" деді біреуі (қазақша - ред.) Олар оған ұрысқан жоқ, жақсы сөйлесті. Содан соң оны алып кетті, неге шұлық пен шортыда жүр деп ойладым. Үстінде тек шорты мен шұлық болды. Олар оны тамақ ішетін жерге алып барды. Жоқ, болған жоқ (полиция формасы - ред.). Мен де таң қалдым, олар онымен ана жақта агрессивті сөйлесті де, мында келген соң жылы-жылы сөйлесті. Ал ол болса, балағаттап жатты ғой деймін", - деді ол.

Оның айтуынша, жедел жәрдем 40 минуттай болмаған.

25 мамырда Алматы облысының Қарасай ауданында мас жүргізуші бақылау бекетіне соқтығысты. Алдымен ол бетон қоршауға соғылды, содан кейін инерциямен патрульдік көлікке отырды, оның кабинасында екі полиция қызметкері болды. Тәртіп сақшыларының екеуі де қайтыс болды, ал үшіншісі ауруханаға түсті.

BMW жүргізушісі Азат Азаматов болған, ол бұрынғы полиция қызметкері болған.