БҚО полицейлері саяжай шатырында есірткі зертханасын ұйымдастырған азаматты ұстады
© Фото: Zakon.kz
Батыс Қазақстан облысы полиция департаментінің ұйымдасқан қылмысқа қарсы күрес басқармасының қызметкерлері жүргізген жедел-іздестіру шаралары нәтижесінде есірткі заттары бар өсімдіктерді заңсыз өсіру дерегі анықталды.
Тексеру барысында 49 жастағы азаматтың саяжай үйінің шатырында есірткі зертханасын жабдықтап, тыйым салынған өсімдіктерді өсіргені белгілі болды.
Шатырда орналасқан есірткі зертханасынан полиция қызметкерлері 37 ыдыста егілген ерекше иісі бар, жасыл түсті өсімдіктерді (сыртқы түрі қарасораға ұқсас) тапты.
Сонымен қатар жарықтандыруға арналған 14 шам, желдету жүйесі, екі термометр және тыңайтқышқа арналған 15 бөтелке сұйықтық табылды.
Сарайларды тінту барысында да жасыл түсті, өсімдік тектес заттар салынған үш пакет және шегуге арналған темір құрылғы тәркіленді.
Дәретхана бөлмесінде тағы да есірткі өсімдігіне ұқсас кептірілген 8 бұта, өсімдік тектес заттар салынған 2 пакет, 6 пластикалық стақан, үш жұмыс істемейтін желдеткіш кулер және жарықтандыру жүйесінің элементтері табылды.
Тәркіленген заттардың барлығы сараптамаға жіберілді, ал аталған дерек бойынша сотқа дейінгі тергеу амалдары басталды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
16:21, 14 қазан 2024
Алматыда күндіз неге шам жанып тұратынын «Алматы Қала Жарық» түсіндірді
-
16:06, 14 қазан 2024
Тараз қаласының прокуратурасы 4 млн теңгеден астам алимент берешегін төлемеген борышкерді анықтады
-
15:48, 14 қазан 2024
«Халық 600 мың теңгеге жұмыс істегісі келмейді»: Министр Жақыпова Қытайдағыдай жұмыс істеуге үйренуді ұсынды
-
15:32, 14 қазан 2024
Мемлекет басшысы Ауыл шаруашылығы министрі Айдарбек Сапаровты қабылдады
-
15:20, 14 қазан 2024
Пхеньян мен Сеул бір-бірін айыптады