Атырауда үстіне ескерткіш құлап қайтыс болған қыз - полиция куәгерлерді іздеуде

Атырау облысы полиция департаментінің тергеу басқармасы өңір тұрғындарына ескерткіштің құлауы салдарынан кәмелетке толмаған жасөспірімнің қаза болу дерегі бойынша тергеуге көмек сұрап жүгінді, деп хабарлайды Zakon.kz.

"Осыған орай, орын алған оқыс оқиғаның нақты мән-жайын анықтау, іс бойынша жан-жақтылығын қамтамасыз ету үшін 25 маусым 2024 жылы кешкі мезгілде орын алған қылмыстық құқық бұзушылықты көрген, құлаған ескерткішті көтеруге жәрдемдескен тұлғаларды Атырау қаласы, Абулхайырхан даңғылы, №55 (кабинет №329) мекен-жайында орналасқан тергеу басқармасына жүгінуді немесе 98-22-72, +7702-741-53-95, +7747-750-95-95 ұялы телефондарына хабарласуды сұраймыз". Атырау облысының ПД-нің Тергеу басқармасы

Еске салайық, Атырауда Жеңіс саябағында 2024 жылдың 26 ​​маусымында түнде оқыс оқиға болды - ескерткіш жеті жасар баланың үстіне құлады, қыз ауруханада қайтыс болды. Оқиғаның жай-жапсарын қыздың әкесі айтып берді.