Алматылықтар Астана күнін тойлауда

2024 жылдың 6 шілдесінде алматылықтар Астана күнін тойлауда. Дәстүр бойынша Орталық мәдениет және демалыс саябағының үлкен сахнасында қаланың шығармашылық ұжымдарының қатысуымен мерекелік концерт өтті, деп хабарлайды Zakon.kz.

Мерекелік бағдарлама шымылдығын Медеу ауданының би ұжымы ашты. Оқушылар патриоттық және заманауи композициядағы шығармаларды орындады.

Концертті тамашалауға алматылықтар отбасымен келді.

Бүгін концерттік бағдарламадан бөлек қалада түрлі шеберлік сағаттары, флешмобтар, көрмелер, дәріс пен поэзия кештері өтеді.

Жыл сайын атап өтілетін мереке жалпыхалықтық сипатқа ие болып келеді.

Мерекеге орай Астанада 100-ге жуық түрлі іс-шаралар өтеді. Қала тұрғындары мен қонақтар назарына концерттік бағдарламалар, фестивальдар, спорттық турнирлер және тағы басқа қызықты шаралар ұсынылады.