Астаналық пара беруші таңдау жасады: 240 миллион теңге беру немесе 7 жылға түрмеге түсу

Астанада пара берген ер адамға ірі көлемде айыппұл салынды. Бірақ ол нақты төлем жасаудың орнына жалған түбіртек жасап, соның кесірінен түрмеге жабылған, деп хабарлайды Zakon.kz.

Елорда прокуратурасының мәліметінше, шенеуніктерге бірнеше рет пара берген қала тұрғыны 240,3 миллион теңге айыппұл төлеуге үкім шығарды.

"Кінәлі тұлға 196 млн теңге мөлшерінде айыппұлды ішінара төлеу туралы сот орындаушысына түбіртектердің көшірмелерін табыстаған. Нұра ауданы прокуратурасының талдауы барысында бұл сома мемлекет кірісіне түспегені, ал айыппұлдың төленбегені анықталды", — деп атап өтті ведомства мамандары.

Берілген түбіртек жалған екені расталды.

Аудан прокуратурасының нұсқауы бойынша сот орындаушысы айыппұлды бас бостандығынан айыруға ауыстыру жөнінде сотқа жүгініп, ұсыныс қанағаттандырылды.

Сотпен айыппұл жазасы 7 жылға бас бостандығынан айыру жазасына ауыстырылды.

Жалған түбіртектерді беру фактісі бойынша тексеру жүргізілуде.