Астанада Ян Непомнящий мен Дин Лирен шахматтан әлем чемпионы атағын сарапқа салады

Астанада 1 сәуір мен 7 мамыр аралығында ФИДЕ-нің 2023 жылғы әлем чемпионаты өтіп, әлемнің үздік шахматшысы анықталатын болады, деп хабарлайды Zakon.kz.

Биылғы әлем чемпионы атағын ресейлік Ян Непомнящий мен қытайлық Дин Лирен сарапқа салады. Финалдың жүлде қоры – 2 миллион еуро. Жеңгені осы қаржының 60%-ын алса, 2-орын алған гроссмейстер қалғанына ие болады, делінген Спорттты дамыту дирекциясы РМҚК сайтында.

"Ереже бойынша ойын кезінде алғашқы 40 жүріске 120 минут бөлінеді. Сосын, қалған 40 жүріске бір сағат берілмек. Ал 61-жүрістен бастап әр ойыншының еншісінде 30 минут қалады. Бұл аралықта олардың тасын қимылдатуға 30 секунд уақыты болады. Тең түскен жағдайда жеңімпаз жылдам шахмат арқылы анықталып отырады", делінген хабарламада.

2022 жылы 31 ақпанда сол кездегі әлем чемпионы Магнус Карлсен әлем рейтингінде 3-орында тұрған Ян Непомнящиймен ойнап, атағын қорғаудан бас тартты. Осыдан кейін норвегиялық шахматшының орнын үміткерлер арасындағы турнирде 2-орын алған  Дин Лирен басты. Осылайша, чемпионсыз өтетін турнир бір-бірімен деңгейлес ойыншылардың айқасымен көпшілікті қызықтырып отыр.