Астанада 170 млн теңге пара алды деген күдікпен квазимемлекеттік компания басшысы сотталды
© Сурет: Zakon.kz
Астана қаласының Қылмыстық істер жөніндегі мамандандырылған ауданаралық сотында делдал арқылы аса ірі мөлшерде пара алу және парақорлыққ бабы бойынша қылмыстық іс қаралды, деп хабарлайды Zakon.kz.
Сотта "Е" ЖШС-нің (мемлекеттің 100% қатысуымен) бас директоры, яғни мемлекеттік функцияларды орындауға уәкілетті берілген адамға теңестірілген тұлға бола тұра, көп пәтерлі тұрғын үй кешені құрылысының жобасы бойынша аванс аударып және сметалық құнын түзеткені, сондай-ақ делдал арқылы ол өзге ЖШС-нің нақты иесінен пара ретінде аса ірі мөлшерде, жалпы сомасы 140 000 000 теңге және 68 000 АҚШ долларын (30 388 520 теңгеге пара-пар) алғаны анықталды.
Квазимемлекеттік компания директорынан бөлек, делал да сотқа тартылды.
"Сотталушылардың кінәсі куәлардың айғақтарымен, жасырын тергеу әрекеттерінің нәтижелерімен, сараптама қорытындылармен, сондай-ақ қылмыстық істің басқа да материалдарымен дәлелденді", делінген сот хабарламасында.
ЖШС бас директоры өз кінәсін ішінара, ал делдал толықтай мойындады.
Сот үкімімен компания басшысы ҚР ҚК-нің 366-бабының 4-бөлігімен кінәлі деп танылып, мүлкі тәркіленіп, мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айыра отырып, оған 10 жыл мерзімге бас бостандығынан айыру жазасы тағайындалды.
Делдал ҚР ҚК-нің 368-бабының 1-бөлігімен кінәлі деп танылып, оған мемлекеттік қызметте және квазимемлекеттік секторда субъектілерінде лауазымдарды атқару құқығынан өмір бойына айыра отырып, 6 ай мерзімге бас бостандығынан айыру жазасы тағайындалды.
Соттың үкімі заңды күшіне енген жоқ.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
21:13, 24 қыркүйек 2024
Тоқаев пойыз тамбурында Ұлттық ұлан сарбазын ұрғандарды дереу жазалауды тапсырды
-
20:42, 24 қыркүйек 2024
«Жаңбыр жауып, үсік жүреді». 25 қыркүйекте еліміздің 16 өңірінде дауылды ескерту жарияланды
-
20:10, 24 қыркүйек 2024
Олигарх Нұрлан Тілеубаевтың ісі бойынша апелляциялық сатыдағы сот үкімі жарияланды
-
19:52, 24 қыркүйек 2024
Қандыағаш қаласындағы 16 шақырымды құрайтын айналма жол қолданысқа берілді
-
19:34, 24 қыркүйек 2024
Ақмола облысында тас жолда жүк көлігінің кабинасы отқа оранды